عراقچي د ټرمپ ایران ضد خبرو په ځواب کې: موږ د ګواښ ځای په ځای کولو سره د یوې بشپړې فریبکارۍ شاهد وو / امریکا د ایران د اقتصادي پرمختګ مخه ونیوله

د ایرنا خبري اژانس د راپور له مخې، د ایران د بهرنیو چارو وزیر "سید عباس عراقچي" نن چهارشنبه د غويي په ۲۴مه وویل: هغه څه چې ټرمپ د پرمختګ او سوکالۍ په لاره کې د سیمې هېوادونو د لېوالتیا په اړه څرګند کړل په حقیقت کې هماغه لاره ده چې د ایران خلکو په خپل انقلاب سره غوره کړې او د یوه خپلواک، ولسواک، ازاد، سوکاله او پرمختللي هېواد لپاره یې طی کړې ده.

د بهرنیو چارو وزیر زیاته کړه: دا امریکا وه چې په تېرو څلویښتو او څو کلونو کې یې د خپلو بندیزونو او فشارونو او پوځي او غیر پوځي ګواښونو له لارې د ایران د ملت د پرمختګ مخه نیولې ده؛ هغه څوک چې د اقتصادي ستونزو عامل دی، امریکا او استکباري سیاستونه دي چې په ایران باندې یې تپلې او یو غیر خپلواک او خبره اوریدونکی نظام یې غوښتی چې دا د ایران د خلکو له عزت سره په ټکر کې ده.

د ایران د بهرنیو چارو وزیر دې ته په اشارې سره چې همدا اوس هم ډونالډ ټرمپ په همدې ناسته کې د اعظمي فشار پر پالیسۍ بیا ټینګار کوي، څرګنده کړه: د امریکا ولسمشر په سیمه کې د اسرائیلو ټول جنایتونه له پامه غورځولي او په دې لټه کې دی چې ایران د ګواښ په توګه معرفي کړي؛ دا یوه بشپړه فریبکاري او د ګواښونو ځای بدلول دي. کوم رژیم په غزه کې ۶۰ زره انسانان وژلي دي؟ چا په غزه کې دومره وراني رامنځته کړې ده؟ کوم رژیم د فلسطین پر شاوخوا سیمو لکه لبنان، سوریه او یمن برید کوي؟ د اشغال هغه کچه چې صهیونیستي رژیم په وروستیو میاشتو کې په سوریه کې ترسره کړې ده، د غزې له ټولې مساحې څخه زیاته ده.

صهیونیستي رژیم یو ملت په غزه کې تر اقتصادي محاصرې لاندې راوستی دی. دا ټول مسائل له پامه غورځول کیږي او هم محاله هڅه کیږي چې ایران د سیمې پر وړاندې د ګواښ په توګه معرفي شي څو اصلي ګواښ هېر شي، خو په دې لاره کې به هم بریالي نه شي.

موږ له امریکا سره د خبرو اترو په اړه د یوې سیمه ایزې تفاهم جوړولو ته لېواله یو

د بهرنیو چارو وزیر سعودي عربستان او قطر ته د وروستي سفر په ترڅ کې د بحث شویو محورونو په اړه د یوې پوښتنې په ځواب کې وویل: موږ د سیمې هېوادونه لکه سعودي عربستان، قطر، امارات او نور هېوادونه په شمول اروپایان او په نړیواله کچه خپل دوستان د ایران او متحده ایالاتو ترمنځ د غیر مستقیم خبرو اترو په جریان کې شامل کوو.

موږ لېواله یو چې د دې دورې خبرو اترو او هر احتمالي تړون په اړه یو سیمه ایز تفاهم رامنځته شي څو د دې سیمه ایز تفاهم په سیوري کې، د بهرنیو لاسوهنو پرته د ایران او سیمې هېوادونو ترمنځ د سیمه ایز ثبات او امنیت زیاتوالی او البته د سیمه ایز پوهاوي پرمختګ شاهد و اوسو. هیله من یو چې په دې برخه کې د ګاونډیو هېوادونو ترمنځ هېڅ ډول اندېښنه او دغه دغه شتون ونلري.

هغه د روسیې د ولسمشر ولادیمیر پوتین ایران ته د سفر په اړه د رسنیو د اټکلونو په اړه د یوې پوښتنې په ځواب کې وویل: د روسیې د ولسمشر سفر د دواړو هېوادونو په اوږدمهاله پلان کې شتون لري او موږ له روسي لوري سره د دې سفر د تنظیمولو په حال کې یو.
جمعه د غويي ۲۶؛ د ایران او اروپا ترمنځ د خبرو اترو د نوې دورې د ترسره کیدو نېټه

عراقچي په دوام کې د ایران او اروپا ترمنځ د خبرو اترو د بهیر په اړه د یوې پوښتنې په ځواب کې وویل: په داسې حال کې چې له امریکا سره غیر مستقیم خبرو اترو ته دوام ورکوو، له اروپا سره هم خبرو اترو ته چمتو یو. له بده مرغه اروپایان پخپله د خپلو پالیسیو له مخې په دې خبرو اترو کې یو څه انزوا کې راغلي دي. موږ د داسې وضعیت غوښتونکي نه یو او خپلو خبرو اترو ته مو دوام ورکړی دی.

هغه زیاته کړه: د ایران او اروپا ترمنځ د خبرو اترو بله دوره به د بهرنیو چارو وزیرانو د مرستیالانو په کچه د جمعې په ورځ د غويي په ۲۶مه په استانبول کې ترسره شي.

د خبر پایله.